Perquai chi vaivan massa pacs uffants per mantgnair la scoulina in cumün, ha il cussagl da scoula tscherchà ün’otra soluziun, ed es gnü süll’idea da far üna scoulina da uaut cumbinada. Quai voul dir cha’ls uffants sun duos dis i’l uaut e trais dis in scoulina. Ils uffants pon uschea scolar lur abilitats illa natüra, sviluppar lur creatività e lapro vain eir promovü lur agir social. Quista sporta dess attrar eir uffants dad oters cumüns e salvar uschea la scoulina in cumün.
Per realisar üna scoulina i’l uaut dürant tuot on, s’haja dabsögn d’üna tscherta infrastructura, sco per exaimpel üna chasina, tualetta, foura da fö, etc. Eir grazcha al sustegn da proFtan ha quist proget pudü gnir realisà e la scoulina in cumün es salvada.
Fotografias: Susanna Schucany
… e per vos interess vi da proFtan.
Nus tils dain resposta plü svelt pussibel.
