proFtan es ün’organisaziun d’ütil public, chi s’ingascha pel bainstar dad indigens e giasts in nos cumün. Cun ideas e progets innovativs e perdüraivels lessna s-chaffir üna plüvalur per giasts ed indigens. Ma eir mantgnair e sustgnair veglias tradiziuns ha üna ota priorità. Grazcha a las donaziuns generusas da la Fundaziun à Porta esa per la proFtan pussibel da sustgnair e realisar differents progets chi van a favur dal cumün da Ftan.
proFtan ha realisà e/o sustgnü fingià progets sco il «Lai da Padnal» o il «Trailcenter». Oters progets sco per exaimpel il «Muglin da Ftan» han il böt da mantgnair s-chazis da noss perdavants; la «scoulina da uaut» invezza, spordscha aventüras als plü pitschens abitants da nos cumün. L’ingaschamaint da proFtan es multifari ed ha adüna il böt da sustgnair la vita e la sporta in cumün.
Dal temp da bruonz fin illa Belle epoque ha Ftan passantà temps da prosperità ma eir temps da cumbats e catastrofas. Ün extrat our da l’istorgia, scrit da Paul Eugen Grimm.
Tradiziuns ed üsanzas han üna gronda valur in nos cumün. Uffants e creschüts piglian part cun grond plaschair a nossas diversas üsanzas.
Per cha no e las futuras generaziuns possan giodair la vita a Ftan, as partecipescha proFtan vi da progets o realisescha agens progets.
Nat sco figl da Thomas à Porta da Ftan, chi ha manà ün cafè a Kopenhagen, ha Stephan à Porta fundà üna fundaziun chi sustegna instituziuns d’ütil public e chi spordscha eir abitaziuns a Turich cun cundiziuns favuraivlas.
… e per vos interess vi da proFtan.
Nus tils dain resposta plü svelt pussibel.
