Il temp es restà salda aint il vegl muglin da Ftan. Generaziun per generaziun til ha mantgnü, cultivà, chürà e pisserà cha quista perdütta dal temp da noss perdavants scruoscha e rampluna amo adüna.
Plü bod d’eira la cultivaziun da gran la fundamainta da mincha pauraria in Engiadina Bassa. Ils chomps süllas spuondas terrassadas d’eiran tipics per quel temp. Il muglin da Ftan es amo l’ultima perdütta da quist temp rich da gran. I’l stabilimaint sun duos muglins originals chi funcziunan. Il muglin plü vegl ha ca. 400 ons. Il stabilimaint es gnü renovà dal 1972 ed uschè gnü preservà dad ir in malura.
Il muglin es amo adüna in funcziun, veglias sorts da farina vegnan mieutas. Visitas sun pussiblas tuot on.
Cilgia Florineth
… e per vos interess vi da proFtan.
Nus tils dain resposta plü svelt pussibel.
