Il vegl pionch muossa sü chi ha dat üna jada aua quia. Plantas, frus-chaglia, schi dafatta bos-cha han tut il suraman aint ils 45 ons passats.
Immez nossa bella natüra as rechatta il Lai Padnal. Ün sigl ill’aua rinfrais-cha corp ed orma – üna bellezza! Las fouras da fö invidan ad üna grillada da cumpagnia. Il Lai Padnal as rechatta ca. 15 minuts davent dal center da cumün
Dal 1935 es gnü fat quist lai per l’institut Otalpin, i’ls ons 60 pero til hana stuvü serrar causa ch’el perdaiva aua in plüs lös. Blers ons è’l restà incultivà – fin dal 2018 cur chi s’ha pudü cumanzar cul fabricat dal nouv Lai Padnal.
Quist proget es gnü lantschà da la proFtan e realisà cun blera lavur voluntaria e cun firmas indigenas. Plüs obstaculs, plonts, e problems finanzials chi s’ha lura pudü schoglier cun ün crowdfounding, han retardà il proget – cun ün on retard han las lavurs pudü cumanzar in gün 2018. L’avertüra dal Lai Padnal es statta la stà 2019.
Il vegl pionch muossa sü chi ha dat üna jada aua quia. Plantas, frus-chaglia, schi dafatta bos-cha han tut il suraman aint ils 45 ons passats.
Id es uschè inavant, il di bramà es quia. Andri Marighetto riva cun sia maschina da fabrica. Üna delegaziun da proFtan, rapreschantants dal cumün co eir la radio e televisiun rumantscha (RTR) sun preschaints. Michi Beer (be Lain), incumbenzà cun las lavurs da laina, es occupà cun sgürar dal plazzal da fabrica e cun las serras.
Davo il masürar cun la tecnologia da laser la plü moderna, riva la firma da construcziun Andri Marighetto cun maschinas greivas. Cun veiculs specials cumainza il s-chavamaint. Il umus, per part prezius, vain natüralmaing dovrà inavant. Il vegl condot d’aua co eir la spina d’aua per la veglia duscha sun bain visibels.
Las lavurs da s-chavamaint sun bain avanzadas. Tenor la devisa da proFtan «Ftan dà gas», dan las dittas da fabrica Andri Marighetto e Crüzer SA «gas» per il müdamaint e la renovaziun da nos lai.
Il s-chavamaint sco eir il cuntschet sun praticamaing pronts. Uossa cumainzan las lavurs da planar ed ils preparativs per la cuverna cun la folia.
Las lavurs al batschigl sun finidas, il fuond cuvernà cun folia e nos lai da nodar vain fingià impli cun aua. Uossa vegnan tut in man las lavurs da contuorns, implantaziuns etc.
La renovaziun es finida, il lai es implantà. Ftan ha ün inrichimaint implü. L’implantaziun sto esser protetta illas prosmas eivnas da uman e bes-cha, perquai daja ün scumond da nodar.
L’implantaziun dal lai da nodar Padnal es gnü fatta tras la ditta Salamander Naturgarten in collavuraziun cun la firma Hariyo Freiraumgestaltung. Numerusas plantas d’aua sun gnüdas implantadas eir aint il fuond da turba, perquai vaiva il lai dad esser protet da l’access tras umans e bes-chas, uschè cha las plantas han pudü prosperar.
Per daplü infuormaziuns simplamaing cliccar sül purtret da la planta.
Da Ftan in direcziun Institut Otalpin (HIF), suotvart da l’institut seguir gualiv oura a la senda fin pro il lai
Arrivand dad Ardez pro l’entrada dal cumün da Ftan, tour la senda chi passa sper la plazza da giovar da god fin sü pro il lai
Parkplatz
Waldspielplatz
Lai Padnal
Circundà d’üna natüra müravigliusa offra il lai da nodar Padnal püra recreaziun. Laschai as inspirar da la tura virtuala – amo meglder, visitai il lai e giodai quist lö unic e prezius.
… e per vos interess vi da proFtan.
Nus tils dain resposta plü svelt pussibel.
