25 lügl 2018
Implantaziun ed imbellimaint
La renovaziun es finida, il lai es implantà. Ftan ha ün inrichimaint implü. L’implantaziun sto esser protetta illas prosmas eivnas da uman e bes-cha, perquai daja ün scumond da nodar.
20 lügl 2018
Il lai vain impli
Las lavurs al batschigl sun finidas, il fuond cuvernà cun folia e nos lai da nodar vain fingià impli cun aua. Uossa vegnan tut in man las lavurs da contuorns, implantaziuns etc.
6 lügl 2018
Ulteriur progress
Il s-chavamaint sco eir il cuntschet sun praticamaing pronts. Uossa cumainzan las lavurs da planar ed ils preparativs per la cuverna cun la folia.
25 gün 2018
I va inavant
Las lavurs da s-chavamaint sun bain avanzadas. Tenor la devisa da proFtan «Ftan dà gas», dan las dittas da fabrica Andri Marighetto e Crüzer SA «gas» per il müdamaint e la renovaziun da nos lai.
18 gün 2018
Il s-chavamaint
Davo il masürar cun la tecnologia da laser la plü moderna, riva la firma da construcziun Andri Marighetto cun maschinas greivas. Cun veiculs specials cumainza il s-chavamaint. Il umus, per part prezius, vain natüralmaing dovrà inavant. Il vegl condot d’aua co eir la spina d’aua per la veglia duscha sun bain visibels.
15 gün 2018
Prüma palada
Id es uschè inavant, il di bramà es quia. Andri Marighetto riva cun sia maschina da fabrica. Üna delegaziun da proFtan, rapreschantants dal cumün co eir la radio e televisiun rumantscha (RTR) sun preschaints. Michi Beer (be Lain), incumbenzà cun las lavurs da laina, es occupà cun sgürar dal plazzal da fabrica e cun las […]
2 gün 2018
Avant las lavurs
Il vegl pionch muossa sü chi ha dat üna jada aua quia. Plantas, frus-chaglia, schi dafatta bos-cha han tut il suraman aint ils 45 ons passats.
